1.- 3. júní 2018 Kæru foreldrar/forráðamenn Núna styttist óðum í Kópamóts sem er fyrir fálkaskáta og eldri skáta í Kópum. Útilegan verður haldin á Úlfljótsvatni og ætlum við að skemmta okkur saman í góðra vina hóp. Mæting er kl. 17:30 á föstudeginum á bílastæðinu hjá Digraneskirkju. Við stefnum að brottför stuttu eftir það og er mikilvægt að börnin komi södd og sæl því það verður ekki matartími fyrr en seinna um kvöldið. Áætluð heimkoma er kl. 17:30 á sunnudeginum og stoppar rútan á bílastæðinu hjá Digraneskirkju. Helgin verður með hefðbundnu sniði og munu krakkarnir taka þátt í allskonar spennandi dagskrá. Við munum eyða tímanum okkar úti og er því mikilvægt að börnin komi með hlý og góð föt, svefnpoka og dýnu. Gott er að hafa útbúnaðarlistann til hliðsjónar þegar pakkað er, hann má finna á http://kopar.is/utbunadarlisti/ Skátafélagið mun sjá um rútuferðir til og frá Úlfljótsvatni, kvöldkaffi bæði kvöldin og kvöldmat á laugardeginum. Þátttökugjald er 7.500 krónur og fer skráningin fram inn á skatar.felog.is og þarf að nota íslykil. Skráning verður opnuð mánudaginn 30. apríl. Boðið er upp á að skipta greiðslum í tvennt. Frekari upplýsingar má finna á kopar.is/kopamot Ef þið hafið einhverjar spurningar getið þið sent okkur tölvupóst á kopar@kopar.is eða haft samband á opnunartíma skrifstofunnar. Síminn í skátaheimilinu 554-4611. Skátakveðja, Skátaforingjar Kópa

Hér að neðan má finna Handbók Kópa á Landsmót 2016. Handbókin inniheldur ýmsar gagnlegar upplýsingar sem nýtast þátttakendum á landsmóti og foreldrum/forráðamönnum þeirra. Handbók-2016  Kveðjur frá fararstjórn, Anna Marta, Tinna María og Valdimar Már

Fjáröflunarhópurinn stendur nú fyrir sölusöfnun! Skátunum er boðið upp á að selja ýmiskonar varning t.d. kerti, klósett- og eldhúspappír. Sölusafnanir eru settar upp reglulega til að skátarnir í félaginu geti safnað fyrir skátastarfinu sínu.  Um að gera að taka þátt og safna fyrir þeim skátamótum sem við stefnum á að taka þátt í í sumar Drekaskátamóti, Landsmóti  eða fyrir Bair Atholl! Einnig geta skátar safnað almennt fyrir skátastarfinu sínu, útilegum, búnaði og slíku. Það er enginn skyldugur að taka þátt en það er öllum velkomið. Hagnaði sölusöfnunar heldur skátinn eftir og greiðir eingöngu raunkostnaðinn til skátafélagsins. Við vonum að ykkur gangi vel og minnum á að skila þarf inn pönntunum fyrir klukkan 22:00 sunnudaginn 13.mars hérna. Vörurnar verða svo afhentar á milli 18:00 og 20:00 fimmtudaginn 17. mars í skátaheimilinu. Þegar vörur eru sóttar verður uppgjörsblað afhent með upplýsingum um hagnað og hvert á að greiða kostnaðinn af keyptum vörum, en greiða þarf í síðasta lagi 24. mars. Upplýsingar um fjáröflun voru sendar út á netfang forráðamanna skáta, þeir sem hafa ekki fengið slíkar upplýsingar geta spurst fyrir hjá starfsmönnum Kópa, kopar@kopar.is

Kæru foreldrar/forráðamenn Fimmtudaginn 10. desember verður haldin jólakvöldvaka í skátaheimilinu fyrir alla skáta félagsins. Kvöldvakan hefst kl. 18:00 og lýkur kl. 19:30, aðrir fundir þá vikuna falla niður. Eftir jólakvöldvökuna hefst jólafrí hjá skátunum en starfið hefst á nýju ári þann 4. janúar 2016. Þeir félagar sem ekki hafa vígst sem skátar verða vígðir á kvöldvökunni og verða því að koma með skátaklút með sér. Skátaklútar fást á skrifstofu skátafélagsins og kosta 1.500 kr. Sjáumst hress á kvöldvöku!

Foreldrafélagið Selirnir og skátafélagið Kópar hefur síðustu daga staðið fyrir sölusöfnun. Skátunum var boðið upp á að selja ýmiskonar varning t.d. kerti, klósett- og eldhúspappír. Sölusafnanir eru settar upp reglulega til að skátarnir í félaginu getisafnað fyrir skátastarfinu sínu. Þá gildir einu hvort um er að ræða drekaskáta að fara á drekaskátamót í júni, fálkaskáta og eldri á leið á landsmót í júlí nú eða eldri skáta á leið á skátamót erlendis. Einnig geta skátar safnað almennt fyrir skátastarfi sínu, útilegum, búnaði og slíku. Það er enginn skyldugur að taka þátt en það er öllum velkomið. Hagnaði sölusöfnunar heldur skátinn eftir og greiðir eingöngu raunkostnaðinn til skátafélagsins. Við vonum að ykkur hafi gengið vel og minnum á að skila þarf inn pönntunum í kvöld fyrir klukkan 19:00 hérna.

Kæru foreldrar/ forráðamenn Nú er fyrsta félagsútilega þessa vetrar (fyrir fálkaskáta og uppúr) að bresta á. Að þessu sinni tökum við stefnuna á Útilífsmiðstöð skáta á Úlfljótsvatni og ætlum við að verja helginni þar í góðra vina hópi, að skátasið. Mæting er kl 19:00 á föstudagskvöld. Við stefnum að brottför frá skátaheimilinu stuttu eftir það og er mikilvægt að börnin komi södd og sæl því það verður einungis boðið upp á kvöldkaffi seinna um kvöldið. Áætluð heimkoma er  kl 16:00 á sunnudeginum. Dagskrá helgarinnar verður með hefðbundnu sniði og munu skátarnir  taka þátt í póstaleik, næturleik og stórleik svo eitthvað sé nefnt. Við munum eyða helginni að stórum hluta úti og því er  mikilvægt að koma með hlý og góð föt, gott er að hafa útbúnaðarlistann til hliðsjónar. Skátafélagið mun sjá um allan mat og rútuferðir til og frá Úlfljótsvatni. Þátttökugjald er 8000 krónur fyrir þá sem hafa greitt félagsgjöld, en 10.000 krónur fyrir þá sem ekki hafa greitt félagsgjöldin. Greitt er fyrir útileguna með millifærslu inn á reikning skátafélagsins og kvittun (nafn barns í skýringu) send á netfangið utilega@kopar.is. Rn. 536 14 751030 Kt. 700371 2719 Hægt að greiða með reiðufé á skrifstofu skátafélagsins. Greiða þarf staðfestingagjald 2000 kr fyrir 5. okt og eftirstöðvar eigi síðar en á brottfarardegi. Skráning á viðburðinn fer fram með því að senda póst á utilega@kopar.is Í póstinum þarf að koma fram eftirfarandi: Nafn skáta og kennitala, nafn foreldris/forráðamanns og Nauðsynlegt er að taka fram i póstinum ef skátinn hefur sérþarfir svo sem,  fæðuofnæmi eða annað sem foreldri telur þörf á. Mikilvægt er að skátinn hafi skráð sig í skátafélagið á frístundagátt Kópavogsbæjar fyrir útileguna. Við hlökkum til að sjá sem flesta og að eiga góða helgi saman! Ef [...]