Kæru skátar, foreldar og forráðamenn Nú eru málin aðeins að skýrast í þessu ástandi sem við erum í hér á Íslandi. Nú um hádegi gáfu almannavarnir, mennta- og menningamálaráðherra og heilbrigðisráðherra út að þeir hópar sem eru aðskildir í skólastarfi skuli vera aðskildir utan skóla líka og þar af leiðandi í skátastarfi einnig og óski eftir að öllu íþrótta- og æskulýðsstarf verið frestað á meðan þessir tímar ganga yfir. Stjórn Skátafélagsins Kópa hefur því ákveðið að fresta skátastarfi um óákveðin tíma. Við munum vera í samband þegar við sjáum fyrir endann á þessu og skátafundir geta hafist að nýju. Nú er tími fyrir nýjar leiðir og hvetjum við ykkur öll til að taka þátt í #stuðkví  https://skatarnir.is/studkvi/ á vegum Bandalags Íslenskra skáta. Endilega merkið Skátafélagið Kópa (#skfkopar) inn ef þið eruð að deila efninu á samfélagsmiðlum. Við munum deila verkefnum á hverjum degi á Facebook og Instagram síður skátafélagsins. Eining geta skátarnir haldið rafræna skátafundi með aðstoð tækninnar og hvetjum við ykkur til þess á öllum aldri. Ef það eru einhverjar spurningar endilega sendið þær á kopar@kopar.is eða stjorn@kopar.is Fh. Stjórnar Skátafélagsins Kópa Heiða Hrönn Másdóttir Félagsforingi

Skátastarf næstu vikuna vegna Covid-19 Sæl öll  Eins og allir í samfélaginu stendur Skátafélagið Kópar frammi fyrir áskorun sem við vitum ekki alveg hvernig við eigum að takast á við. Á næstunni vonumst við til að fá leiðbeiningar frá bæjarfélaginu hvernig skal hátta tómstundastarfi. Á meðan við erum að átta okkur á þessari áskorun þá hefur stjórn Skátafélagsins Kópa tekið þá ákvörðun að fella við alla fundi skátafélagsins næstu vikuna þ.e. frá 16.-22.mars. Næstu helgi munum við síðan taka stöðuna aftur og taka ákvörðun um framhaldið eftir aðstæðum þá. Skátar, foreldra og forráðamenn munu verða upplýstir í framhaldinu. Þessi ákvörðun er tekin út frá því að sumir af okkar sjálfboðaliðum eru nátengd fólki í áhættuhóp og að við viljum ekki leggja það á samvisku sjálfboðaliðanna að jafnvel smita börnin í starfi, þar sem að jú sjálfboðaliðarnir okkar eru út um allt í samfélaginu og umgengs fólk allstaðar að.  Reyndir skátaforingjar eru þessa dagana að bregðast við þessum nýju aðstæðum og setja saman safn að skemmtilegum skátaverkefnum sem geta stytt skátum stundina á meðan að skátastarfið liggur niðri. Við munum dreifa þessum verkefnum á facebook síðu Skátafélagsins Kópa. Við vonum að þið hafið skilning á þessum aðstæðum okkar og að þið farið vel með hvort annað þangað til við getum hist aftur að nýju.  Ef það eru einhverjar spurningar sendið á kopar@kopar.is  Skátakveðja,  Stjórn skátafélagsins Kópa

Nú styttist óðum í starfið okkar en það byrjar 2. september 😊Skráning hefst 23. ágúst inná https://skatar.felog.is/ en við munum auglýsa fundartíma fljótlega. Drekaskátar (8-9 ára) og Fálkaskátar (10-12 ára) verða með aðeins öðruvisi sniði en venjulega en við ætlum að hafa blandaðar sveitir s.s stelpur og strákar saman í sveit. Það verður skemmtilegt að prófa en mörg skátafelög hafa prófað þetta og gengið mjög vel 😊 Hlökkum til að sjá ykkur í september 😁