Skátafundir eru byrjaðir á ný eftir sumarfrí. Skátastarfið fór hins vegar ekki í neitt sumarfrí enda flestir Kópar á fullu í sumar á Landsmóti skáta á Akureyri. Kópar vöktu sérstaka athygli fyrir sterkt bakland og metþátttöku í fjölskyldubúðum. Svo má auðvitað ekki gleyma þeim 23 dróttskátum ásamt 4 foringjum sem fóru út til Skotlands á Blair Atholl sem gekk eins og í sögu.
Það er því frá mörgu að segja og deila eftir viðburðaríkt skátasumar.
Eins og undanfarin ár fer skráning í Kópa fram á Abler. Sjáumst í skátunum!
Fundartímar í Kópum:
Drekaskátar (8-9 ára):
Drekaskátasveitin Hattífattar fundar á miðvikudögum kl. 16:30-18:00. Sveitarforingi er Erla Sóley.
Fálkaskátar (10-12 ára):
Þrjár Fálkaskátasveitir eru í Kópum.
Spörfuglar funda á mánudögum kl. 18:00-19:30. Sveitarforingi er Ívar Máni.
Furðufuglar funda á á miðvikudögum kl. 18:00-19:30. Sveitarforingi er Silja Líf.
Ránfuglar funda á fimmtudögum kl. 18:00-19:30. Sveitarforingi er Elín Snæfríður.
Dróttskátar (13-15 ára):
Dróttskátasveitin Andrómeda fundar á fimmtudögum kl. 20:00-22:00. Sveitarforingi er Páll Kristinn.
Rekkaskátar (16-19 ára):
Rekkaskátasveitin Fenrir fundar á mánudögum kl. 20:00-22:00. Sveitarforingi er Erla Sóley.
Róverskátar og Vættaskátar (20 ára+):
Unnið er að því að virkja Róversveitina og Vættasveitina á ný. Skráið ykkur í félagið á Abler til að fá allar helstu upplýsingar um skátastarf fyrir 20 ára og eldri.
