Forsíðubox – Skátafélagið Kópar

Forsíða

By notanda-hefur-verid-eytt, 10 ár ago

Umgjörð fálkaskátastarfsins

Fálkaskátar ganga með vínrauðan klút. Aftan á klútinn eru sett merki fálkaskáta. Fálkaskátar fá að jafnaði eitt merki við upphaf hvers starfsárs og ganga einungis með eitt merki á klútnum sínum. Við upphaf starfs í fálkaskátasveit fær skátinn merki með bronsrönd, þá silfurrönd og að lokum gullrönd.

Táknræn umgjörð

Táknræn umgjörð fálkaskáta byggir á því að kanna ný svið og nema nýjar lendur í hópi jafningja.

Táknrænar fyrirmyndir

Persónur úr Íslendingasögunum eru táknrænar fyrirmyndir fálkaskáta. Persónur sem sýndu hreysti, dirfsku, visku og gæsku og fóru í fjölda leiðangra af ólíku tagi.

Foringjar fálkaskáta

Til þess að táknræna umgjörðin, flokkakerfið, sveitarstarfið, markmiðin, verkefnin, dagskrárhringurinn og önnur atriði virki sem best þarfnast skátarnir fullorðinna skátaforingja sem eru færir um að koma öllu þessu í framkvæmd og geta notað sköpunargáfuna til þess að hleypta lífi í skátastarfið. Vilt þú vera með?