Eftir ævintýralegt sumar með skátamótum og varðeldum er aftur komið að vetrarstarfinu, þá taka við skátafundir, dagsferðir, útilegur og fleiri spennandi viðburðir. Miðvikudaginn 2. september verður kynningardagur hjá okkur í skátafélaginu Kópum. Skátaforingjar sjá um skemmtilega dagskrá milli 17:00 og 19:00 fyrir þá sem hafa áhuga á að kynna sér skátastarf og hvernig starfinu verður háttað í vetur.     Við hvetjum líka starfandi skáta til þess að líta við, velja sér fundartíma og hitta á skátaforingja og vini! Skráing er hafin inn á frístundagátt Kópavogsbæjar.