­

Skátastarf og Covid-19

Sæl öll, Eins og öllum er kunnugt erum við að standa aftur frammi fyrir skrítnum tímum, hertar takmarkanir og fjölgun smita í samfélaginu. Samkvæmt takmörkunum þá eru ekki neinar takmarkanir á starfi barna fædd 2005 og seinna ef fjöldinn er undir 30 manns. Þar sem það hefur verið svolítið um smit í grunnskólum í Kópavogi upp á síðkastið og við höfum ekki fundið lausn til að geta haldið okkar starfi áfram undir þessum takmörkunum höfum við í Skátafélaginu Kópum ákveðið að aflýsa öllum fundum næst komandi viku 5. - 8. október 2020. Þannig við getum áttað okkur almennilega á stöðunni og tekið ákvörðun um framhaldið í kjölfarið. Þessi ákvörðun er einnig tekin út frá því að sumir af okkar sjálfboðaliðum eru nátengd fólki í áhættuhóp og að við viljum ekki leggja það á samvisku sjálfboðaliðanna að jafnvel smita börnin í starfi, þar sem að jú sjálfboðaliðarnir okkar eru út um allt í samfélaginu og umgengst fólk allstaðar að. Við vonum að þið hafið skilning á þessum aðstæðum okkar og að þið farið vel með hvort annað þangað til við getum hist aftur að nýju. Ef það eru einhverjar spurningar sendið á kopar@kopar.is Minnum einnig á STUÐKVÍ verkefnin sem hægt er að nálgast hér: https://skatarnir.is/studkvi/ 

Skópar fara á Móskarðshnjúka

Gönguhópurinn Skópar hefur göngu sína á ný 19. september kl. 11:00 og ætlum við að ganga á Móskarðshnjúka. Gangan er ætluð öllum Kópum og fjölskyldum þeirra. Boðið verður upp á nokkur erfiðleika stig og alltaf í boði að snúa til baka, svo gangan er fyrir alla. Munið að koma klædd eftir veðri og með nesti og góða skapið í bakpoka :) Hér eru nánari upplýsingar: https://www.facebook.com/events/652304712056314?active_tab=about

Fundartímar og skráning 2020 – 2021

Nú styttist óðum í starfið okkar en það byrjar 31. ágúst.Hér eru fundartímarnir en hver sveit fundar vikulega. Skráning fer fram hér: https://www.sportabler.com/shop/kopar Drekaskátar (2011 - 2012)Hattífattar: Mánudagar kl. 17:00 - 18:30Snabbar: Þriðjudagar kl. 17:00 - 18:30 Fálkaskátar (2008 - 2010)Furðufuglar: Þriðjudagar kl. 18:00 - 19:30Ránfuglar: Miðvikudagar kl. 18:00 - 19:30 Dróttskátar (2005 - 2007)Andrómeda - Fimmtudagar kl. 20:00 - 22:00 Rekkaskátarnir (2002 - 2004) Fundartími er óákveðinnEf þið hafið áhuga endilega sendið á kopar@kopar

Útilífsskóli Kópa 2020

Líkt og síðastliðin ár er Skátafélagið Kópar með útilífsnámskeið fyrir börn á aldrinum 8-12 ára í sumar. Námskeiðin eru stútfull af ævintýrum og skemmtilegum vettvangsferðum. Í sumar höfum við til dæmis farið í fjöruferð, Guðmundarlund, grasagarðinn í Reykjavík og Hljómskálagarð. Í hverri viku förum við einnig að klifra í Öskjuhlíð, í vatnsstríð og leikum okkur í stórskemmtilega læknum við skátaheimilið. Útilífsnámskeiðin eru frá 9-16 alla virka daga og kosta aðeins 15.000 krónur. Öll námskeiðin hingað til hafa verið yfirfull og næstu námskeið eru hratt að fyllast. Því er um að gera, ef þið þekkið barn á aldrinum 8-12 ára sem þyrstir í ævintýri og öðruvísi upplifanir með fjörugum hópi barna og leiðbeinanda, að að drífa sig inn á https://sportabler.com/shop/kopar og skrá ykkar bar

Félagasútilega 2019

Félagsútilega Kópa 1. – 3. febrúar 2019 Kæru foreldrar/forráðamenn Núna styttist óðum í félagsútilegu. Útilegan fer fram á Úlfljótsvatni og ætlum við að skemmta okkur saman í góðra vina hópi. Mæting er kl 19:00 á föstudagskvöld í skátaheimilið okkar að Digranesvegi 79. Við stefnum að brottför frá skátaheimilinu stuttu eftir það og er mikilvægt að börnin komi södd og sæl því það verður einungis boðið upp á kvöldkaffi seinna um kvöldið. Áætluð heimkoma er kl. 15:00 á sunnudeginum og stoppar rútan á bílastæðinu hjá Reyni bakara á Dalveginum. Dagskrá helgarinnar verður með hefðbundnu sniði og munu krakkarnir taka þátt í póstaleik og næturleik svo eitthvað sé nefnt. Við munum eyða helginni að stórum hluta úti og er því mikilvægt að börnin komi með hlý og góð föt, gott er að hafa útbúnaðarlistann til hliðsjónar þegar pakkað er. Skátafélagið mun sjá um allan mat og rútuferðir til og frá Úlfljótsvatni. Þátttökugjald kemur síðar og fer skráningin fram inn á skatar.felog.is í vikunni og þarf að nota íslykil/rafrænu auðkenni. Boðið er upp á að skipta greiðslum í tvennt. Forsenda fyrir skráningu í útileguna er að vera búin/n að skrá sig í félagið. Skráning í félagið fer einnig fram á skatar.felog.is Öll óþol, ofnæmi, greiningar, lyf o.s.frv. verða að vera skráð í athugasemdir þegar barnið er skráð. Ef þið hafið einhverjar spurningar getið þið sent okkur tölvupóst á kopar@kopar.is eða haft samband á opnunartíma skrifstofunnar. Skrifstofan er opin mánudaga – miðvikudaga frá 16:30 – 20:00. Síminn í skátaheimilinu er 554-4611. Útbúnaðarlista má finna hér Skátakveðja, Skátaforingjar Kópa

Sumardagurinn fyrsti

Kvöldvaka á sumardaginn fyrsta

Páskabingó

Fimmtudaginn 22. mars verður haldið páskabingó sem fjáröflun fyrir hóp Kópa sem ætla á skátamótið Blair Atholl í Skotlandi í sumar. Bingóið verður haldið í sal Álfhólsskóla (Digranes) og hefst klukkan 18. Spjöld kosta 500 kr og greiða verður með peningum þar sem ekki verður posi á staðnum. Vonumst til að sjá sem flesta

Útilífsskóli Kópa 2018

Kópar auglýsa eftir skólastjóra og leiðbeinendum í Útilífsskólann í sumar. Skólastjóri Útilífsskóla Kópa Skátafélagið Kópar auglýsir eftir skólastjóra Útilífsskóla Kópa sumarið 2018. Í boði er skemmtilegt starf með duglegu starfsfólki og skemmtilegum krökkum á aldrinum 8-12 ára. Helstu verkefni skólastjóra eru: Skipuleggja námskeiðin Halda utan um skráningar Foreldrasamskipti Dagleg stjórnun Fleira tilfallandi Hæfniskröfur: Góð samskiptahæfni Áhugi Skipulagshæfni og sjálfstæð vinnubrögð Hafa náð 22 ára aldri Reynsla á stjórnun er kostur Reynsla af skátastarfi eða öðru æskulýðsstarfi er mikill kostur Umsóknir skulu berast á stjorn@kopar.is en athygli er vakin á því að einnig þarf að sækja um sumarstarf á vef Kópavogsbæjar undir heitinu „Aðstoðarleiðbeinandi á sumarnámskeiðum“. Umsóknarfrestur er til 19. mars 2018 Frekari upplýsingar veitir Hreiðar Oddsson, hreidar@kopar.is   Leiðbeinandi í Útilífsskóla Kópa   Skátafélagið Kópar auglýsir eftir leiðbeinendum í Útilífsskóla Kópa sumarið 2018. Um er að ræða skemmtilegt sumarstarf með frábæru starfsfólki og skemmtilegum krökkum á aldrinum 8-12 ára. Helstu verkefni og ábyrgð leiðbeinanda eru: Þáttaka og leiðsögn í hópastarfi barna á vettvangi Frágangur og þrif í lok hvers dags samkvæmt ákvörðun skólastjóra. Hæfniskröfur: Umburðarlyndi, jákvæð hvatning og leikgleði Reynsla af starfi með börnum æskileg Vera 18 ára á árinu (fædd 2000 eða fyrr) Umsóknir skulu berast á stjorn@kopar.is en athygli er vakin á því að einnig þarf að sækja um sumarstarf á vef Kópavogsbæjar undir heitinu „Aðstoðarleiðbeinandi á sumarnámskeiðum“. Umsóknarfrestur er til 19. mars 2018

Fálkaskátadagurinn

Þann 4. nóvember síðastliðinn tóku fálkaskátarnir okkar þátt í Fálkaskátadeginum í Laugardalnum með hátt í 70 öðrum fálkaskátum af Suðurlandi. Það voru Skjöldungar og Garðbúar sem stóðu fyrir deginum í þetta skiptið. Þema dagsins var norræn goðafræði og var dagskráin í takt við það. Eftir skemmtilega dagsrká var haldin svokölluð síðdegisvaka (kvöldvaka um síðdegi) og fengu krakkarnir svo kakó og kex til að hlýja sér fyrir heimferð.