­

Félagsútilega Kópa 13. – 15. október

Nú er heldur betur að styttast í félagsútileguna okkar fyrir fálkaskáta og eldri í Kópum. Opið er fyrir skráningu á skatar.felog.is og gengur hún vel. Ekki hika við að hafa samband vakni einhverjar spurningar um útileguna eða skráningu. Hér fyrir neðan koma helstu upplýsingar sem sendar hafa verið á foreldra.   Kæru foreldrar/forráðamenn Núna styttist óðum í félagsútilegu. Útilegan fer fram í Vindáshlíð og ætlum við að skemmta okkur saman í góðra vina hópi. Mæting er kl 19:00 á föstudagskvöld. Við stefnum að brottför frá skátaheimilinu stuttu eftir það og er mikilvægt að börnin komi södd og sæl því það verður einungis boðið upp á kvöldkaffi seinna um kvöldið. Áætluð heimkoma er kl 16:00 á sunnudeginum og stoppar rútan á bílastæðinu hjá Reyni bakara á Dalveginum. Dagskrá helgarinnar verður með hefðbundnu sniði og munu krakkarnir taka þátt í póstaleik, næturleik og stórleik svo eitthvað sé nefnt. Við munum eyða helginni að stórum hluta úti og er því mikilvægt að börnin komi með hlý og góð föt, gott er að hafa útbúnaðarlistann til hliðsjónar þegar pakkað er. Skátafélagið mun sjá um allan mat og rútuferðir til og frá Vindáshlíð. Þátttökugjald er 8.900 krónur og fer skráningin fram inn á skatar.felog.is og þarf að nota íslykil. Boðið er upp á að skipta greiðslum í tvennt. Forsenda fyrir skráningu í útileguna er að vera búin/n að skrá sig í félagið. Skráning í félagið fer einnig fram á skatar.felog.is Ef þið hafið einhverjar spurningar getið þið sent okkur tölvupóst á kopar@kopar.is eða haft samband á opnunartíma skrifstofunnar. Skrifstofan er opin mánudaga – miðvikudaga frá 16:30 – 20:00. Síminn í skátaheimilinu er 554-4611. Skátakveðja, Skátaforingjar Kópa

Skátastarf veturinn 2017-2018!

Nú fer veturinn að hefjast hjá okkur í Skátafélaginu Kópum. Skátastarfið hefst þann 4. september 2017. Skráning mun fara fram dagana 28. ágúst - 10. september í gegnum skatar.felog.is. Drekaskátar 3 - 4. bekkur verða mán, þrið eða mið kl:17:00 - 18:30 Fálkaskátar 5 - 7. bekkur verða mán, þrið eða mið kl:18:00 - 19:30 Dróttskátar 8 - 10. bekkur verða mán, þrið eða mið kl: 20:00 - 21:30 Fundir hjá hverjum aldurshópi er 1x í viku. Nákvæmar tímasetingar koma eftir 18. ágúst. Við hlökkum til að sjá alla hressa og káta í september ! 

Jólakvöldvaka 8. desember

Kæru foreldrar/forráðamenn Fimmtudaginn 8. desember verður haldin jólakvöldvaka í skátaheimilinu fyrir alla skáta félagsins. Kvöldvakan hefst kl. 18:00 og lýkur kl. 19:30. Hefðbundið fundarstarf verður út miðvikudaginn 7. desember. Eftir jólakvöldvökuna  hefst jólafrí en starfið hefst aftur á nýju ári þann 9. janúar. Sjáumst hress á kvöldvökunni fimmtudaginn 8. desember !  

Forsetamerkið 2016

Daney Harðardóttir, Katrín Kemp Stefánsdóttir og Sigurður Guðni Gunnarsson, róverskátar úr Kópum fengu afhent forsetamerki skátahreyfingarinnar á laugardaginn síðasta ásamt 24 öðrum skátum. Athöfnin fór fram í Bessastaðakirkju og að athöfninni lokinni bauð forsetinn í kaffiboð. Þetta var fyrsta athöfnin sem Guðni Th. Jóhannesson nýkjörinn forseti afhendir merkið en hann er jafnframt verndari skátahreyfingarinnar. Í upphafi athafnarinnar afhenti því Bragi Björnsson skátahöfðingi forsetanum forsetamerkið úr gulli. Skátafélagið Kópar óskar forsetamerkishöfum til hamingju!

Skráning í félagið 2016-2017

Búið er að opna fyrir skráningu drekaskáta og fálkaskáta veturinn 2016-2017. Skráningin fer fram inn á https://skatar.felog.is/  Frístundastyrkurinn frá Kópavogsbæ kemur þarna inn ef hann er ónýttur. Ef þið hafið einhverjar spurningar endilega sendið okkur tölvupóst á kopar@kopar.is eða hafið samband við okkur á opnunartíma skrifstofunnar. Skrifstofan er opin mánudaga - fimmtudaga frá 17:00 - 19:00